ធ្លាប់ចាប់អារម្មណ៍ទេថា សណ្តែកខ្មៅ មានប្រយោជន៍យ៉ាងណា?
10-November-2015 | ដោយ មួយឡា
សណ្តែកខ្មៅ មានអត្ថប្រយោជន៍ចំពោះសុខភាពច្រើនខ្លាំងណាស់ ព្រោះតែវាផ្ទុកទៅដោយអង់ទីអុកស៊ីដង់ដែលអាចបញ្ចេញជាតិលោហៈពុលពីរាងកាយ និងបញ្ចុះសម្ពាធឈាមបាន។
អត្ថប្រយោជន៍មួយនៃការញ៉ាំសណ្តែកខ្មៅនោះគឺ ជួយថែរក្សាសុខភាពបេះដូងតែម្តង។ សណ្តែកខ្មៅត្រូវបានគេយកទៅសម្ងួត បន្ទាប់មកដាក់វាត្រាំទឹក និងញែកប្រូតេអ៊ីនចំនួនពីរប្រភេទសំខាន់ៗ។
អ្នកស្រាវជ្រាវបានរកឃើញថា វាអាចបញ្ចេញជាតិលោហៈធ្ងន់ៗពីក្នុងរាងកាយ ដែលដំណើរការនោះហៅថា Chelating។ ក្រោយពីប្រូតេអ៊ីនត្រូវបានគេយកទៅត្រាំទឹកហើយ វានឹងមានប្រសិទ្ធភាពជាអង់ទីអុកស៊ីដង់ និងប្រឆាំងនឹងជំងឺលើសសម្ពាធឈាម។
ការសិក្សាបានបញ្ជាក់ទៀតថា អត្ថប្រយោជន៍របស់សណ្តែកនេះក៏មានចំពោះបេះដូងដែរ។ ពួកគេសង្ឃឹមថា ការព្យាបាលថ្មីសម្រាប់ពង្រឹងដល់សុខភាពបេះដូងសរសៃឈាមនឹងអាចរកឃើញអំពីរឿងនេះដែរនៅថ្ងៃអនាគត។
សណ្តែកខ្មៅប្រភេទ Jamapa មានប្រូតេអ៊ីនដែលអាចជួយកាត់បន្ថយចំនួនគ្លុយកូស កូឡេស្តេរ៉ុល និងជាតិខ្លាញ់ Triglycerides ក្នុងរាងកាយបាន។
វាត្រូវបានគេសម្គាល់ឃើញថាសណ្តែកនេះមានតម្លៃថោក ហើយក៏អាចញ៉ាំបានគ្រប់គ្នាដែរ។ សណ្តែកនេះមានជីវជាតិសំខាន់ៗច្រើនដូចជាប្រូតេអ៊ីន៣០,៤ភាគរយ ជាតិសរសៃ ៥៩,៨ភាគរយ ជាតិដែក ២០ភាគរយ ម៉ាញ៉េស្យូម ៣០,១ភាគរយ ផូស្វ័រ ២៤ភាគរយ ម៉ង់ហ្គាណេស ៣៨ភាគរយ និង Tryptophan ៥៦,២ភាគរយ វីតាមីន B1 ២៨ភាគរយ និង Molybdenum ១៧២ភាគរយ។ ម្យ៉ាងទៀត ក្រៅពីសម្បូរអង់ទីអុកស៊ីដង់សម្រាប់បញ្ចេញចោលនូវរ៉ាឌីកាល សេរីពីរាងកាយហើយនោះ វាក៏អាចបង្ការជំងឺរ៉ាំរ៉ៃជាច្រើន និងទប់ស្កាត់ភាពចាស់បានដែរ៕
ប្រភព៖ health
ចំនួនអ្នកទស្សនា
- ថ្ងៃនេះ381
- ម្សិលមិញ12561
- សប្តាហ៍នេះ28331
- ខែនេះ50211
- ឆ្នាំនេះ50211
- សរុប20492667